Page 58 - Brenn_2014

Gedichte bis 2015 Hubert Brenn (Längenfeld im Ötztal)

Ins Lond inhn gelösnt

I hon inhn gelösnt ins Lond
geherchrt hon i ollerhond
es hot apor Schpaße gemochet
hot si gfrebet und hot gelochet

Es hot gejödlt und gsungen
scheane und hoematlach hots geklungen
geredet hots und in Dialekte gset
daß atie an Ur fimfe vöer zwelfe schlet

Gschriern und gschumpfn hots ö vöer Zöern
galign is traurig und schtille wöern
i hons plern geherchrt und wimmern:
tietet enk decht aweag mea um mi kimmern

Des mießet enk ernschthoft mit mir befossn
nit olles glagglen und gleich sein lossn
atie amol hon i sögor a richtige Wüet:
nit olles, wos des moenet, ischt fier mi güet

I mog nit olm jammern und klogn
i mecht drau vrtrauen, wosn se ibr mi sogn
i mechtat schtölz drau sein kinntn, wosn se fier mi tien
wie se si fier mi insetzn und rechtschoffn mien

Seite 58