Page 55 - Brenn_2014
P. 55
Gedichte bis 2015 Hubert Brenn (Längenfeld im Ötztal)
Jortog
Dozemol a Pfinstog gewesn
dosmol is an Ergetog
heit hot in gonzn Tog di Sunna gschin
es ischt a schear Tog gewesn
dozemol hots gschnibm und schiech geton
es ischt oer vo di schieheschtn Toge in mein Lebm gewesn
obr nit wegnen Wetr
dreiedreißig Jor is iez hea, daß de gschtarbm und
vo ins gongen bischt
i hon mi bsunnen, wie is grod nö drton hon
wie de auf mi geworchrtet hoscht
dein leschtn Schnaufar hon i nö drwuschn
di Ögn hoschte numma augeton
und mir sein olle um di umha gschtondn
und hobm di gschpierchrt, wie de is leschtemol pfiet enk
gset hoscht, und hobms nit geherchrt
und wie de ins is leschtemol gschtreichlt hoscht
one daß mrs gschpierchrt hattn
i hons olm vöer mein Ögnen, dos Bild
tüe di ausroschtn, Papa
du bischt olm bei ins
Seite 55
