Page 40 - Brenn_2019

Gedichte 2019 Hubert Brenn (Längenfeld im Ötztal)

Darfgong

I gea durchs Darf
aufn Wege hoem
schier wie ausgschtarbm is
niemat umha
koe Menschnseale
wie scheintöet
wos wie wenn sis töet schtellat
nuicht lös
do und det a hells Fenschter
sischt is dunkl und znochts
atie an Autö, dos gahe wie a Gedonknblitz kurchrz autauchet und glei widr
vrschwindet
ödr is vileicht sögor gschtarbm
asö schtille und riewig leits do
wie töet
foscht zen Firchtn
a leichts Liftle bloset mr ins Gsicht
do, wö i drhoemat bin
öbs nit lei schlofet
vrwunschn ischt
aus atie an Kamine schteiget a grower Röch au wie Hauch in dr koltn Luft
es schnaufet
es lebet nö
öbs nit decht lei aweag miede ödr ongschlogn ischt
öbs nit eppan decht lei schlofet
ingschlofn ischt
und drau worchrtet, augewecket ze wern
wie is Dornröschen von Prinz
vo mir vileicht
und i gea durchs Darf
mei Darf

Seite 40