Page 41 - Brenn_2019
P. 41
Gedichte 2019 Hubert Brenn (Längenfeld im Ötztal)
Di Wege, die mr mitanonder gongen sein
Es hein nö vil Wege ze gean
olle, die i nö nit gongen bin und vöer mr lign
si lodn in und vrlöckn
und jeder hot eppas, wos mi onsicht
a Menschnlebm ischt ze kurchrz um olle Wege ze gean
man müeß si entscheidn
die nemen, die vöer an lign und si onbietn
und apor kemen söwisö nit in Froge
auf ondere kimmet man gor nit, weil se an nit lossn
und zelescht oftr bleibm an genau die, die man geat und gongen ischt
heins genau die, die i gongen bin
die mr gongen sein
krumbe und grode, schteckle und ebme, linde und hölprige
jo, es gab nö genüeg Wege ze gean
obr numma in den Lebm
und numma fier mi
Seite 41
