Page 54 - Brenn_2020

Gedichte 2020 Hubert Brenn (Längenfeld im Ötztal)

Kinderlebm heitzetoge

„Na, danke Opa, es geat nit, weil
i hon iez bein beschtn Willn koen Drweil“
dos ischt schöen eppas, wos mr zen Nochdenkn geit
knopp vieraholb Jor erchrt, und schöen ze weag Zeit

Mei Enkele is, und es geat nen asö
wie viln ondern Kindern heitzetoge ö
recht bold amol und frie, mei lieber Schwan
werchrts fier se a Lebm schier noch Schtundnplan

Mama und Papa mießn orbatn gean
fiers Kind hoeßets iez holt ö frie auschtean
und oftr in di KiBe in gonzn Tog
wöll güet und Gött sei Donk, daß es es mog

Und ö güet und Göttlöb, daß es dos olles geit
und decht is an Inschnitt in a unbeschwerchrte Kinderzeit
und a Muschter vo an gonz ondern Kinderlebm
a Lebm unter Zeitdruck und noch Schtundnplan ebm

I woeß wöll, daß i leicht redn hon
i bring mi ö in und tüe mit, sö güet is konn
mir noch is decht olles ze schtrenge und ze frie
i mochats gern onderchrt, woeß obr ö nit wie

Seite 54