Page 52 - Brenn_2020
P. 52
Gedichte 2020 Hubert Brenn (Längenfeld im Ötztal)
Bettlen
„Ich habe Hunger“ hot oer auf sein Poppedeckl gschribm
kaum eppar ischt bei sein Bechar schtean blibm
si hobms olle geneatig, is Gsicht grodeaus und vrbissn
in Bechar hot lei hegscht saltn eppar eppas inhn gschmissn
Drfier sicht man se oftr in Goschtgorchrtn höckn
vöer nen Knedle, Sauerkraut und Schweinsbrotn an Bröckn
und atie oer hot si drbei gewiß ibrfressn
den hungrign Löter hobm se olle lengscht vrgessn
I müeß züegebm: i ö, do bin i nuicht onderchrt
wos di oen, i bin ö oefoch weitar gewonderchrt
obr wie i oftr vöer mein völln Tallar gehöcket bin
det fellt mr der hungrige Löter widr in
Und: wer Hunger hot, müeß nit bettlat umha schtean
und sellt ze dr Caritas ödr in Kleaschtre gean
man sellts den Leitnen, dies betriffet, holt ö sogn
daß es dos ibrhaupt brauchet, leit mr töll in Mogn
Seite 52
