Page 53 - Brenn_2020

Gedichte 2020 Hubert Brenn (Längenfeld im Ötztal)

A Held

Mei Enkele will olm widr nuie Gschichtn
sögor di oltn Märchen müeß i umdichtn
i drfind olm widr eppas, wos mr grod infellt
wos hon i er nit schöen olles drzelt

Weil i nit det, wö si ischt, won
telefönierchrt se et olle pött bei mr on:
„Opa, bitte eine Geschichte“ bekimm i oftr ze hern
longe konns dauern, und mea kinntns wern

I drzel vo di Rittar und Heldn, die si olles getrauen
vo Hexen, Feen, Zauberarn, Risn, Prinzessinnen, Meerjungfrauen
vo Saligen, Drochn, Sauriarn, Reibarn und Fablwesn
auf dr gonzn Walt, ö an Mone und auf Schternen sein mr gewesn

Amol is in a Gschicht um Drochn und Sauriar gongen
„Opa, du bischt obr sicher schneidg auf se züe gongen“
hot se gset und mi drbei schtölz ongelochet
si hot mi ze an Held, obr gleichzeitig ö aweag eltar gemochet

Sofia, du leischt nit gonz drnebm drmit
lei – gonz asö olt bin i holt nö nit
mir hein an vil begegnt, Sauriar bis iez nö koer
atie schöen zwoehaxate Drochn, wer woeß, vileicht bin i salt ö oer

Seite 53