Page 6 - Oberhauser

Gedichte Basilius "Silli" Oberhauser

Vornamen

Lois, Mich, Toni und Peda,

so hoaßt in Tiroi fost jeda,
und Hans, Jogg, Schorsch oda Sepp
so hoaßt be ins jo a jeda Depp.

Scho in da Schui homb mia gspott und glocht,
und ins über solche Nomen lustig gmocht.

Heut tuat ma ondare Buamanomen hearn,
Kevin, Joshua oder Jonas is iatz modern.

Florian, Bernhard und Stefan, heascht ma auch,

oba seit wonn is Jens oda Dirk be ins da Brauch.
Lukas oda Tobias, des gfoit ma gonz guat,
mit an Gonzales oda an Sven hu i wenig am Huat.

Thomas, Martin, Andreas oder Klaus,
so was hoit ma ois Tiroia decht bessa aus.
Sebastian, Moritz, Marcel, so hoaßn junge Hearn,

a Markus, Julian oder Lorenz des heascht ma gearn.

Wos oba a dia Promis für oane Nomen falln ei,

dia kinnan decht nit gonz richtig sei.
San Diego, Ademola oder Jimi Blue Cheyenn,
send genau so deppat wia Rumer Glenn.

Moonblood, Don Hugo und Coppala,
genauso wie Venus Hormona heascht ma a.

A poor gonz Gscheide i ku enks sogn,
lossn Namen wie Prada, Versace und Rolex eitrogn.

Bei London und Milano hu i richtig g´locht,

dia hoaßn so, weils a dia Städte send g´mocht.
Dass des be ins nu nit gibt, bin i iatz richtig froh,
sist gabs Nomen wia Achnwegbankä oder Discoclo,

Seite 6