Page 8 - Oberhauser

Gedichte Basilius "Silli" Oberhauser

s'oite Hopfgoscht

Schmoizgoss und Stitzgassl, kennt a jeda, des is g´wis,
weil des heit a Stroßnbezeichnung is.

Mit´n Pechlloch fongt moncha scho u z´denkn,
und wo fohrats hi, muaßt dei Auto übers Farmaschtal lenkn.

Huatmann, Michäwiascht, Pechl, gonz daweascht,

vielleicht hot da oa oda da ondere scho wos davu g´heascht.
S`Bräuhaus, kennan nu de Oitn, auf jedn Foi,
genau wia´s Leishaus und an Krämastoi.

Bichlavilla, Drabichlabäck, s Zollhäusl foit ma nu ei,
kreuz Teifi, wo kunnt iatz des wieda sei.

Ben Bacha, ben Schratz, kennst di du do nu aus,
und wo is oft g´stondn des oit Nogelschmidhaus.

Neuhausschuasta und an Weißgarba hots gebn amoi,
oda woaßt du vielleicht nu an Zipfistoi.
S´Grangglhäusl, oda hätts liaba ben Badl gnumma,
wia was mit´n oitn Schuihaus und min Lukaskruma.

Geignmocha, Schlossa, ben Kessla und wos tatst sogn,
wenn´s di amoi nochn Lottrieschreiba frogn.

Zipfiwiascht, des kennt ma, ma sogt´s nu a tiam,
wos is, wenn mas mitn Straßa, mitn Stitz, mitn Lochwiascht pro-
bian.

Stiagnschuasta, Jenesenbäck, wo is gstondn de Klöpfasog,
wia was, wenn i di noch´n Gosthof Diawoid frog.
Huatarabinda, Glantal, d´Fronfest, woaßt wos i moa,

wia kimmst am bestn zan Kupfaschmid Roa.

Schod is, ma hot vü vo dia oitn Nomen valuan,

sicha, dafi send wieda a poor neue gebuan.
Six Pence, Silver-Bullet, Cin, es wißts es eh,
Ofenloch, Salvena und Pub Renee.

Und decht, i hus g´frog a tiam gonz de Oitn,
i mecht dia Nomen scho nu a bissl g´hoitn.

Seite 8