Page 4 - Rabl 1

Gedichte Anni Rabl

A Bastler

Es zoag si gonz oft scho a da Wiang,

tuat da kloa Bua seine Handl uhabig vabiag'n

donn weascht des a Bastler, dös is gonz gwiss,

wei ea jo etza scho so fleissig is.

Und ku dös kloa Büawe donn eascht amoi steha,
probiascht´s a gonz glei, de eascht'n Schritt z´geha,

recht gnedig kriagas, foit eam wos ei,

dös weascht be de Bastler a Leb´n long so sei.

Dös easchte Spü´zeug, dös is a Zug

und dass a net aufhukt, anan Betrug,

bauta de Lok liaba gonz glei vanon
und dru kemmand a nu de gonz´n Waggon.

Wei wos eiwenig in is, dös hot´n interessiascht,

ea hot donn a´s ´zommbau wieda probiascht,

muass' si recht plong, siegst´n boisng'weis lieg´n,

a poor Schreif´n liegn umma, dia send eam heit blieb´n.

Donn kimb a a d´Schui, es weascht oft zon stuck´n,

söd stott bastln leana, siest bleiba nu huk´n,
owa da Schuiweg, dea tuat´n recht gfrei,

do is a diam eppas z´find´n, dös schiaba si ei.

Und d´Hos´nsäck´send fast oiwai fü´z kloa,

boida sist nix find´, finda scho an schean Stoa,

und wei ea a Bastler is, dea kloane Bua,

ku ea ois brauch'n, is um jeds Stücki fruha.

Seite 4