Page 20 - Microsoft Word - Rossa 1
P. 20
Gedichte Joseph Rossa
De Dichterei
De großn Dichter aller Zeit
beschreibn de ganz Natua
uns kloana Mundartdichterleut
oa Bleamel langt dazua
Vom Universum schreibn de oan
wia doscht olls zammenhangt
und insa Weltoll des isch kloan
wal ins de Hoamat glangt
Dia oanen brauchn Schall und Rauch
dass kaam a Mensch vasteht
a Mittlmoß fürn Hausgebrauch
isch oafach insa Red
Dia oanen mechtn hold de Welt
von Grund auf nui gestaltn
ins gfollts so wias da Herrgod bstellt
mia welln sie lei dahaltn
Seite 20
