Page 24 - Microsoft Word - Rossa 1

Gedichte Joseph Rossa

Der Geit

Da Geit isch, wia scho lang bekannt

a Krankheit in am iadem Land

und voller Geit do wor amol
de Thresl hint an Zillertol

für ihre Krapfn ruit sie´s Fett

mit ihram Geit isch gor a Gfrett.
Amol...do isch vom Nachbarn ummen

a Duft vo bachne Krapfn kummen
do isch de Thresl umi gangen

und hot de Moid zan lobn ungfangen:

„Naa Moid wias grod bei dia guat riacht
a sella Gschmoch der ummen ziacht

naa gwiß isch wohr wos i da red

so kunn i´s Küachlbachn ned.
I woaß nit wia men do so tuat

mia werdn de Küachla nia so guat

wia gern tat i so guade machen
kunscht du mia nit mein Toag rausbachn.

“- „Schau Moid, vagölts God tausadmol dafür
wos moansch wia i mi revanschier...

aus Dank konnsch du de nachste Wochn

dei Fleisch in meiner Suppn kochn...“

Seite 24