Page 21 - Microsoft Word - Rossa 1
P. 21
Gedichte Joseph Rossa
Die Brüder
Im Innerberg, s´isch lang scho her
do sein zwoa Brüada gwen
hobn buckelt vo da Früah bis z´nachts
faul warn sie lei ban redn.
Und arm seins gwen wia Kirchenmäus
habn lei oa Sunntigsgwand
und wia´s holt geaht bei arme Leut
aa dös habn sie mitnand.
Am Sunntig zu der Kirchnzeit
zur Früahmess geaht der oa
und nochn Segen gschleunt er sich
dös Gwand ghört ja eah´ zwoa.
De Ehrnbachmühl, scho lang verfalln
wo s ´Bachl ocherauscht
sell war der Ort, doscht habn sie olm
dös Sunntigsgwand o´tauscht.
De erschtn Fremden war´n im Dorf
gleich gwundrig scho wia heut
und wia sie dös san innewordn
do bsuachn sie de Leut.
A Frogerei, warum und wia
und ob des wirklich stimmt
ds oana von dem andern gor
des Sunntigsgwandl nimmt?
Seite 21
