Page 40 - Rossa 2

Gedichte Joseph Rossa

Zeit

Wos isch nua mit dea Zeit iatz los

des wor decht friaga andersch
hot do de Zeit mehr Zeit no ghabt

wos is denn do iatz andersch

i hun koa Zeit i hun koa Zeit
des kriag i oft zan höarn iatz

vo mia und aa von ondre Leut

grod iatz do hun i gor koa Zeit
de Koazeitleit und Aufduhrschauga

habn gor koa Zeit mehr füa de Zeit

de lange Zeit von dia zu mia
vo mia zu dia isch dünna wordn

seit i an Uhr hun kimmt ma füa

bin i an Zeit gebundn und
de Zeit de isch so schtreng mit mia

wia du wenn i zu spaat kimm

dia Zeit in dersn nuien Zeit
hot kaam a Zeit zan Nichttoan

wos isch denn des nua füa a Zeit

so geizig und so gschparig
a dia do denk i so füa mi

dass is koa Zeit hun gor koa Zeit
des isch vielleicht nit möglich

dann hun i decht a bissl Zeit
a Zeit de Zeit zan suachn

Es geaht ins guad geht’s ins aa guad?

Mia habm a groaß Auto
dös isch no nit zohlt

da Herrgodd weards nocha schun richtn

mia glauben da Werbung
do geaht olls auf Pump

Seite 40