Page 36 - Rossa 2
P. 36
Gedichte Joseph Rossa
Herbstspaziergang
Es isch mei Weg
im jetzt laablosn Wold
es isch mei Weg
und mit de Farbn umadum
do bluatet aa de Seele aus
das Grian dea Wiesn
isch vagilbt
vo irgend oana Hond
konturnlos vawischt
und überm eisign Grat
vabluatet in Endlosigkeit
de Wärmeschpenderin
de Nocht onzoagnd und Vatraun
Vatraun auf morgn
de huiarign Blattlen fauln
und nuie Keime wartn
in dem leicht gefrornen Bodn
dea Weg füaht zruck
vo dersn Staadness de
de Seele leert
zruck in des laute Treibats
des se Lebn nennt
und suacht de Hoffnung
füa an nuie Spur
Seite 36
