Page 68 - Rossa 2
P. 68
Gedichte Joseph Rossa
Altsein
Iatz schlergg i adia
schun ganz wild umanand
und brauch zan Schpaziergang
an Schteckn in d´Hand
des Gehzuig vabraucht
de Glenka oi gschtaucht
i bin mit mia selwa nit z´friedn.
Und wia i so geah
und d´Gegnd betracht
kimmt a Rollstuahlfahrer
dahea und hot glacht
gelähmt wor der Mann
dass er nimma stiahn kann
Do wor i mit mia wieda z´friedn
Winter
Es schneibalet
und treibalet
da Windda wia men kennt
de Hoteliea
stiahn vor da Tüa
und reiben sich de Händ
Der schwoche Inn
traamt vor sich hin
von Wassalen im Lenz
de Schneekanonen
gspüan iatz schon
de Himmlskonkurrenz
Seite 68
