Page 73 - Rossa 2

Gedichte Joseph Rossa

Koa Zeit

Ols Kind hob i ans Spieln denkt

ols Bua an monchn Streich

dann ob „sie“ mir a Bussal schenkt
dann denk i waar i reich.

Ans Geld denk i gor monchn Tog

i denk wias weidda geaht

und denk aa dass i nit gearn mog
wos in da Zeitung steaht.

I denk und denk den ganzn Tog
sogor ols olta Mann

i denk aa noch, ganz ohne Frog

wos man vabessan kann

I denk an olls, nua nit an mi

i hätt gor manches z´ frogn
jetzt da i a Komposti bi

hob i nix mehr zu sogn.

Seite 73