Page 100 - Rossa 4
P. 100
Gedichte Joseph Rossa
...sekundenlang...
Da Huaba Hans und Lukas Fritz
dös sein zwoa stille Zecher
de leern, wenn sie in Stimmung sein
mitnand gor manchen Becher
Amol – do wackelns beide hoam
a jeda hot an Wichser
vor lauter singen und juchhe
lallt jeda blos no Giggser
Da Huaba Hans bleibt plötzlich stiahn
und sogt ganz staad zum andern:
„Hick, schaug amol do vorn am Eck
siecht ma den Herrgod wandern“
Sie gengen hin zu der Gestalt
und frogn mit ihrm Geschnatta
„Du sog amol du olda Mann
bisch du da Himmlvadda?“
Der Herr der draht se um und lacht
„wenns moants na werds schon stimma
Ihr wards hold lang in koana Kirch
und destwegn kennts mi nimma“
„Du los amol“ fragt do der Fritz
„guad dass mia di heint gfundn
wia lang dauert bei dia de Zeit ...
zum Beischpiel: oa Sekundn?“
Seite 100
