Page 95 - Rossa 4

Gedichte Joseph Rossa

s´Gebiss

Da Lois, scho ziemlich lang a Senna

I woaß nit obn olle kenna
Er macht sei Arbeit wia´s grod geht
Vo oller Herrgottsfruah bis spät

Lei oamol in der Woch´ kimmts füa
Dass er an Durscht hot auf a Bier

A siebn, acht holbe braucht sei Durscht
Und wenns´n auwampt is´s eahm wurscht

Und geahts eahm zeitlich grod a Kreisl
Na wackelt er holt naus zum Häusl

Und bei der Sauferei der grobn
Do rinnts holt nacha, unt und obn

---Und wia da Lois amol z´lang aus
Geaht aa der Much zu eahm do naus
Da Lois steaht in da Surgruabn drin

Greift mit de Pratzn her und hin

„Wos suachstn“ hört den Much ma lalln

„Mia isch mei Biss do ocha gfalln“
Da Much moant: „Und, liegt es no untn?“
Da Lois: „Drei Bisser hob i bis hiatz gfundn

Und gor koans passt mir in mei Mäu

Des meine wor no nit dabei“
Dann lacht er und sogt ziemlich heiter:

„Des tuat nicht, i suach einfach weiter“

Seite 95