Page 106 - Rossa 4

Gedichte Joseph Rossa

Idiom

Mein Vadda war a Schneidagsell
Mensch wordn am Donaustrand

er ging auf München wo er schnell

als Bügler Arwat fand

Mei Muadda war a Küchndirn

am Laaberstrand geborn

und sie wui Großstadtlüfte spürn
und is dort Köchin wordn

Und do erwischt den Schneidagsell

sowos wia d´Liebe bold

weil eahm und des aa ziemli schnell

die Köchin Anna gfollt

Und ganz verwegn wia er is

sogt er „i hob di gern“
und konn als keusches Hindernis

„du konnst mi gern habn“ hörn

Boid schlafn sie aa mitanand

hättns gschlafn wia sie sogn

na waar i iatz aa ned imstand

mi mit am Reim zu plogn

Seite 106