Page 42 - Rossa 4
P. 42
Gedichte Joseph Rossa
Radar
Da Meier is ins Radar gfahrn
Mit fünfaneunzig Sacha
Er sogt wias eahm na straffn woin
Des könnts auf koan Foi macha
Da Burgermoasta is mei Freund
Was moants wia der do schaugat
Des glaub i ned, wenns ihr mi straffts
Daß eahm des bsonders taugat
Der Polizist schüttelt den Kopf
Do wird da Meier hantig
Da Richter is mit mir vawandt
Der werat do fei grantig
Doch der Beamte bleibt bei nein
Da sagt da Meier düster
Sie werdn ganz schee Probleme kriagn
Mei Schwager is Minister
Des macht nix sagt da Polizist
Da kennens no viel nenna
A oanziga is da jetzt gfragt
Den Huaba solltns kenna
Seite 42
