Page 46 - Rossa 4
P. 46
Gedichte Joseph Rossa
Hintnoch
Wal i so leicht vagessli bin
habn meine Kinda denkt
und mia statt Schnaps und Nikotin
einen Computer gschenkt.
“Do brausch iatz nimma vü zu tuon
gonz oafach isch de Sach
und du bisch af Drei Kini schuon
ein Schpezialist vom Fach”
Und wia de Kinda furt gwest sein
hol i den Kaschtn her
doch Bua wia schaltet men den ein?
des woaß i nimma mehr
A Weihnachtsgschenk des hun i gern
wenns untam Christbaam steaht
lei hun i Angscht wenns recht modern
dass i nit woaß wia´s geaht
Seite 46
