Page 49 - Rossa 4
P. 49
Gedichte Joseph Rossa
Modernisieren
Den Berghof hat er Alte jetzt
Dem Jungen übergebn
Und der sagt glei: So wia da Olt
Mog er nit weitalebn
Dös Bauerndasein, sagt der Jung
Dös is doch antiquiert
Der ganze Hof unds Viech dazua
Ghört schnell modernisiert.
De Küah ghörn an de Leitung glegt
De Hörndl wegkupiert
De Mistentfernung ausm Stall
Ghört automatisiert
De Hennen ghörn in a Battrie
Weils do mehr Eier legn
De Säu de miassn onghängt werdn
Zwengsm Scheisse, nua deswegn
Des Fuattan übernimmt genau
Ein EDV Programm
Weil, sagt er, so ein Bauernmensch
Möcht aa a Freizeit habn
Seite 49
