Page 71 - Rossa 4
P. 71
Gedichte Joseph Rossa
Die Glatze
Da Loisal hot de Hoor valorn
und isch ois ganzer glatzat wordn
an Johann hot des tuiflisch gfolln
eahm sein no koane Hoor ausgfolln
er hot am Stammtisch Faxn gmacht
daß olles übern Alois lacht.
Er streichelt über Loisals Glatzn
mit seine grobm Bauernpratzn
und sogt: „so fein und glatt genau
ols wia da Arsch vo meiner Frau...“
und Loisal schaugt den Johann o...
und grinst, und sogt: „genau a so....“
Seite 71
