Page 72 - Rossa 4
P. 72
Gedichte Joseph Rossa
...von wegen Alter....
Mia selwa is mei Alter gleich
mit dem kimm i scho z´Rand
mi ärgert an meinm Alter nur
wenn des wer andrer spannt
Im Innern bin i jung und frisch
und zreissat olls, wia gsogt
es is ja nua mei wehes Kreuz
des mi beim Jungsein plogt
Und na des bissl Weh am Knia
dös kriag i aa no hin
weil i holt damals vor am Weib
z´oft niedakniaglt bin
De 90 de i iatz grod bin
an de trog i nit schwer
doch wenn mia des an andra sogt
sein des um 10 Johr mehr.
Seite 72
