Page 40 - Zelger

Gedichte Waltraud Zelger

Kokosbusserl fi mein Urenki!

Votaoma i winschat ma so fest seim gmochte Kokosbussal vo dia,

du kust dös so guat, hun i kescht, kunst bitte oa mochn fi mia.

Dös is scho long aus, I meds hoit wieda a moi probian,

amendi tats mi gfrei und zon an guatn Ergebnis fian.

I fong u und dö Bussal weand go recht schö und guat,

I gwos seiba, wia dö Orbet mi gfreit und so richtig woi mia tuat.

Iaz denk i auf, das i friara jo no vui vaschidene Keks bochn hu,

und fong a moi lesn a mein oitn Kochheftl u.

do fint i Linza Augn, dia wer I iaz a glei probian,
tuat mi der Bua kot a so zon Bochn vafian.

Vanilekipfal, dia mog decht a jeda gean,

In meina Sommlung, weand dös dö nachstn wean,

Woinussbussal, dia send decht a so guat,

zo deanan hätt I a no n guatn Muat.

Iaz hot mi dea Bua auf an Weg brocht, gonz an krechtn

wos a so netts Woascht ois bewirkn ku, is nit zon Übasechn.

Iaz send vo dö gwinschtn Kokosbussal go a poor Sortn mera won,

I hun an Orböt und an Buam sei Freid kun ans a nit übagwon.

Seite 40