Page 16 - Bachler

Gedichte Helene Bachler

Das Antlasspferd

Die Musig spüt und die Glogg`n leit`n

um den Kastanienbam toan`s umareit`n

und as Weda is meistens a no schee,

miass ma Antlassritt schaug`n geh.

Wos do davau ois so g`schiecht

meistens gottlob koaner siecht:

Bis ma die Ressa hot beinand

und a jeder Reiter des krechte G`wand.

Bis die Blumen oi send kricht,

damit`s die Rössa ningascht sticht.

Hoffentlich is nit bremmig und nit z`hoaß,

sist wean die Viecha unruhig, wia ma woaß.

Ohne Reita a stolzes Pferd,

des is` on und für sich gleich vü wert,

owa uhne Pferd a Antlassreiter,

des is ganz gwiß a ormer Heiter.

A brav`s Rössl z`finden is recht schwar,

weil die Antlaßrösser send hoit rar.

Ma söd zeascht a no des Reiten ausprowian

und die Wadl und Schenkel guat trainian.

Seite 16