Page 15 - Bachler

Gedichte Helene Bachler

Die Beichte

Die Thresi geht zur Osterbeicht

do weascht sie donn vielleicht

erlöst gonz g`schwind

vo so moncher Sünd.

Sie druckt umadum, woaß nit so recht

wos sie ois so beicht`n mecht.

Da Herr Pforrer merkt des glei

und hüfft ihr iatz dabei.

„Es weascht di scho nit glei da Toifi hoin!

Sog? Host amoi scho eppas g`stoihn?“

„Nett a kloa`s, kloa`s bissä, wenn i so denk,

owa wirklich gonz, gonz wenk!“

„Und wenn di eppa eppas frogg`

host eh oiwei die Wohrheit g`sogg`?“

„Nit oft, Herr Pforrer, hun i g`log`n,

vielleicht a tiam a kloa`s biss`l eppas vabog`n.

Iatz Thresi, sog ma hoit no g`schwind,

host am Ende gor scho a Kind?

Jo, Herr Pforrer, Kind hun i a scho oas,

owa nett a gonz, gonz a kloas!

Seite 15