Page 18 - Bachler

Gedichte Helene Bachler

Heilfasten

I brauch nit fasten, bi nit bled,

wenns ohne Fasten a guat geht.

Oba da Herrgott hot sich scho wos denkt,

dass er ins a Fastenzeit hot g`schenkt.

Des Gift, wos mia ins oiwei eichifressen,

des ku insa Körper a nit vagessen,

drum söd ma stad alloa dahoam,

des Gift hoit wieda aussi schwoam.

Ufonga tuast mit an Glaubersoiz,

des is nit nett, owa a tiam oan g`foits.

A gonze Woch long koan Kaffee,

nur Gemüsebrühe und an Tee.

An dritten Tog, des is a Soch,

do weascht ma scho a bissl schwoch.

Jeden zwoaten Tog – es is nit zan lochen,

muaßt du dir an Einlauf mochen.

Jeden Tog is glei a Kilo weck,

mei liabs Fleischä iatz host dein Dreck.

Do fühlst di nocha kring und leicht,

dass`d fliag`n mechst a no vielleicht,

und wenn`st des eascht Moi wieda an Öpfi isst,

nocha glab`st scho, dass`d an Himmi bist.

Seite 18