Page 28 - Brenn_2014

Gedichte bis 2015 Hubert Brenn (Längenfeld im Ötztal)

Gebet

Gött, mir betn et und tiens atie nit
mir glöbm und tien ins öfte schware drmit
und mir schpringen mit und züehn ödr drvon
und decht leits nit lei bei ins
weil olles, wos mr tien, kimmet oezig vo dir
und du kennescht meine Gedonkn breits vöer i se hon
und du woescht wos i sogn und tien wer longe drvöer
und niemat kennet mi und mei Harchrz asö wie du
mei Seale kimmet vo dir und ischt lei bei dir drhoemat
niemat konn ins asö kindsn wie du
und du bischt Müettr und Votr in oen
du geascht olle Wege mit jedn oezachtn vo ins
und ö wenn mrs nit gschpiern ödr wissen
du loscht ins nit in Schtiche ödr alloenat
drweil mr vrschpringen wie gschreckige, junge Lamblen
bein kloeschtn Gruggsnar
mog sein wos will und ischt
du bischt bei mir iez und olm und fier olm
und du bischt olles

Seite 28