Page 13 - Brenn_2020
P. 13
Gedichte 2020 Hubert Brenn (Längenfeld im Ötztal)
Di Schüele frisset Kinder au
Di Schüele frisset atie Kinder au
nimmet öfte vil ze weag Ricksicht drau
wos a Kind fier Bedirfnisse hot
weil mans vil ze weag es salt sein lot
A Schüelkind werchrt olm ongetribm
olm hoeßets: dos und sall ischt vöergschribm
wos wie wenn olles, wos in Gsetzern und Lerplan schteat
wichtigar war und vöers Kindswöl geat
Es ischt jeds Kind asö, wies ischt
man ischt holt asö – jo wie denn sischt
obr in Schüeln geats drum, wos man ze kenntn hot
wichtig ischt, daß man a Kind gonz es salt sein lot
Schüelkinder welln lernen und schtrengen si ö on
obr galign, mit dr Zeit vrliern se di Frede dron
man müeß `se unterschtitzn asö wie se sein
und a longsoms Kind dorf si nit olm lei gschlein
Vil Kinder kemen asö schtork unter Druck
schtille sein, riewig, und olm olles ruck-zuck
si hobm öfte gonz an oegne Orchrt eppas auzefossn
si sein nit kronk und nit dumm, die müeß man nen lossn
Seite 13
