Page 18 - Brenn_2020

Gedichte 2020 Hubert Brenn (Längenfeld im Ötztal)

Apor Jor schpatar

Apor Jor schpatar gonz an onders Lebm
apor Jor schpatar wos hatts is oene nie gebm
apor Jor schpatar schaugn se numma gor asö hea
apor Jor schpatar kennen an vil nit amol mea
Apor Jor drnoch ogschtellet wie an olter Besn
apor Jor drnoch wos wie war olles nie gewesn
apor Jor drnoch vrgessn, wen se wos vrdonkn
apor Jor drnoch nö apor Gschichtlen, die si um an ronkn
Apor Jor drau: jo, geits di wirklach olm nö
apor Jor drau: na, i bsinn mi numma asö
apor Jor drau: ajo, i hon schöen amol eppas geherchrt
apor Jor drau: i hatt nie gemoet, daß es amol asö werchrt
Drgegn friar amol, wie hobm se an det scheane geton
wos hengat fier se is gonze Glick vo dr Walt dron
sein züe mr kemen schier wegn a jedn Kloenigkeit
es herchrt si olles au, wenns oftr nuicht mea ze höln geit

Seite 18