Page 26 - Brenn_2020

Gedichte 2020 Hubert Brenn (Längenfeld im Ötztal)

Mullplotz Walt

Olles schmeißn se oefoch weck
iberoll leit lei mea Dreck
olles völl Mull, gonze Barge tirmen si au
di Viher in Mere fressns und gean drau
A Drecklacka is nö, koe Plotz mea zen Lebm
di Walt a Mullhaufn, öfte nit auszehebm
sögor Mullleite geits, die det wieln und hausn
wer ibrlebm will, dorf si nit grausn
Man vrgrobet, vrsenket, jet durch an Kamin
Bödn, Luft wie Wosser sein vrgiftet und hin
a Paradis kannts sein, obr wos mochet man draus
und wenn se asö weitar tien, is galign amol aus
Aweag mea drau schaugn – es ischt hegschte Zeit
daß es fier die noch ins ö nö eppas geit
nit oefoch olles vrgiftn und vrprossn
und fier die noch ins ö eppas ibrig lossn

Seite 26