Page 21 - Brenn_2020

Gedichte 2020 Hubert Brenn (Längenfeld im Ötztal)

Sein tüets oe oezigs Trauerschpil
a Lerar konn koene Wunder wirkn, wenn niemat tüet, wie ar will
und sischt sein nen wöltan di Hende gebundn
obr a Rezept fier a Lesige ischt nö longe koes gfundn
Kinder wern holt decht widr aweag fölgn selln
nit lei Onschpriche hobm und sischt tien, wie se welln
obr si mießn si vrschtondn wissn Tog fier Tog
und vöer ollesn gschpiern, daß man se mog
Leschtlach seins apor, die fier Sischtemfalar bießn mießn
nutzn Auszeit- und Okielklassn, hilfets oefoch auszeschließn
i moenat, do mießat man si schöen aweag mea indrfolln lossn
bsunders sellt man si drmit, daß es nit asö weit kimmet, befossn
Obr wie olm: di Auregige werchrt si bold legn
es werchrt widr genüeg onders gebm si auzeregn
in Schüeln selltn die is Sogn hobm, die Schüele holtn
und nit, die weit genüeg weck in an Omstsschtuben vrwoltn

Seite 21