Page 42 - Brenn_2020
P. 42
Gedichte 2020 Hubert Brenn (Längenfeld im Ötztal)
Dr Pitztolar Ber
Hot dr Ber iez wöll dronglöbm gemiescht
nuicht draus wöern, daß man nen lebm liescht
do lossn si di Jagar nit longe drinpfuschn
a Fongschuß – und di Kugla hot nen drwuschn
Si sogn, er hatt si in an Zaune vrhongen
er hatt an Beitezug unternömen, oftr hot man nen gfongen
si hobm gepasset, a Schuß – und oftr is gscheahn
vil woeß man nit, i hons holt kemen gseahn
Orms Vihe, die Notur hot drs vöergebm
si hobm nit longe umha gfocklt: di köschtets is Lebm
du hoscht nuicht, obr schöen gor nuicht gegn dei Notur geton
es ischt dei Orchrt, asö bischte gschoffn und hebeschte di dron
Außa kemen ischt, daß do eppar augschnitn hot
dr Ber lebet nö, si hobm nen lebm gelot
obr gleich, wos i olles gedocht und gschribm hon
es giltet fier olle Viher und geat ins olle on
Seite 42
