Page 44 - Brenn_2020
P. 44
Gedichte 2020 Hubert Brenn (Längenfeld im Ötztal)
Tötalkontrölle
Wöhin dos eppan nö amol fierchrt:
mir wern lengscht Tog und Nocht kontröllierchrt
gleich wos man drau tüet und mochet
mir wern rund um di Ur ibrwochet
Eppas inzoln dorf man jo nit vrgessn
bein Autöforn werchrt is Tempö gemessn
wö man grod ischt, wissn se olm gonz genau
wos man tüet und nit, auf olles kemen se drau
Du konnscht nit amol mea frei mit epparn redn
wos und mit wen – si kennen an jedn
si wissn sögor, wie longe man bei epparn schteat
und galign sicher ö, wie öfte man ans schtille Erchrtle geat
Ö di Viher wern getschippet und sein regischtrierchrt
jeds Weaweale, jede Kloenigkeit ischt aufanöerchrt nötierchrt
fier olm und ewig und unvrgeßlach, ö Schreckn und Graus
obr mir kemen den Aupassarn numma aus
Jo, und worum tüet man ins dos olles on
es ischt leschtlach olles lei salt geton:
apor gröeße Briedre und Schweschtern welln Mocht und töll kassiern
drum: wöhin werchrt dos olles nö amol fiern
Seite 44
