Page 48 - Brenn_2020

Gedichte 2020 Hubert Brenn (Längenfeld im Ötztal)

Mar di

Tüe dei Maul lei au, man müeß di hern
loß di nit oholtn und drtern
sogs, wie dr ischt, wos de moescht und di schterchrt
schitt dei Harchrz aus, weils sischt nie onderchrt werchrt

Wer eppas ze sogn hot, sellts riewig sogn
nit longe umha druckn, man müeß es wogn
si nit oschreckn lossn, ö wenn an si beschwern
di Worheit konn wea tien, vil megn se nit gern

Loß dr auf koen Foll is Wöerchrt vrbietn
ö wenn apor nö asö schreien und wietn
dr Mund ischt nit lei zen Essn, obr vöer ollan zen Redn
niemat will vrhungern und genau asö ungern vrbledn

Sog olles, wos di ongeat und wos de woescht
wenns dr wichtig ischt und ö wenn des lei moescht
schtille sein ischt nit olm Göld, man müeß atie laute wern
drum tüe dei Maul weit au und sei güet ze hern

I hon mr mei Wöerchrt nie nemen gelot
wos man öfte genüeg pröbierchrt hot
so güets gongen ischt, hon i mi drgegn gewerchrt
und i bin laute gewesn und man hot mi geherchrt

Seite 48