Page 16 - Oberhauser

Gedichte Basilius "Silli" Oberhauser

Mundort, wia mas nimma oft heascht

Zoch is eppas ondas wia zach,
gnedig is nit des gleich wia gach.
Gschtiascht is weit mehra wia fesch,
toagig is des Gegnteil vo resch.

Patzig is nit oiwei woach,
kasig is des gleich wia bloach.
Grantig ist fost so eppas wia zritt,
bettln hoaßts, boid ma um eppas bitt.

Knoschzn is so ähnlich wia niedaknian,
a Mugä kriagts außa nochn riahn.
A Fotzn is, boid da oana oane schmiascht,
motzn hoaßts vuan melchn, boid mas Eiter massiascht.

Wosd an Untaschied siehgst, is a Diandl oda a Bua,
za den Teil an Körpa sogns a Gridl dazua.
Des gibs a be an Bam, deswegn woaß i gwis,
das Gridl nit unbedingt eppas fockisch is.

Boid oana hatscht oft is ea hoit krump,
min billig kaffn, kriagst gonz oft a Glump.
Gruaggn is an Dialekt a da Hax,
de ledig Hoferbin is a Hoamatkrax.
Kniapfockn tuat a niada gonz gean,
es kunnt jo do decht a Gspusi draus wean.

Boids schörgst oft kust nit de Pappn hoitn,
an Kumpfö brauchts zan Wetzstoa aufkoitn.
A Kiachö is a Mehlspeis, oda o Lopp,
a Moitn a Baz wo ma gean eichitopp.
A Potschn i a Doggl oda d´ Luft is ben Radl dahi,
pfnasn und ochitzn tan woitan vü.

An an Zegga oda a de Rei kust wos eichtoa,
a sumsade Gsöllin bleibt gean alloa.
Da Hogmoa ben ranggln is da stärkste Loda,
a Wusara hot an Saustall, des is a soda.

Seite 16