Page 44 - Rabl 1
P. 44
Gedichte Anni Rabl
Von Hausbau nu a poor ruate Ziagl,
und heageht a da oit Kuchispiagl.
Oite Kast´l, Büdl, Bänk,
ois voi Stab´- und des nit z´wenk.
A Trumm Teppich, a Federbett,
do kimb wos zom - is go a Gfrett.
A Gitarr – mit kot 3 Soat´n,
a Schachtä voi mit Howischoat´n.
Oite Janka - a Bugglkrax,
a Stockal mit an brochna Hax,
Bastlzoig und Christbamschmuck,
von Vasechzoig a poor Stuck.
Oite Bettwäsch´- a poor Deck´n,
vo d´Schom dafress´n – zon daschreck´n,
a gonze Schachtl voi Pokal,
a Radlpump und a Kinaschal.
A Hirschgweih und a Kruck von Gams,
und sist nu oierhond Krimskrams.
Und i muass mi de längst Zeit scho frag´n,
wohi söd i des Zoig ois trag´n.
Etz brauchat i eppan, dea dös vasteht,
wos is etz do Mull – und wos Rarität.
Vielleicht gib´s ja amoi eppan, dean wos des Zoig gfoit,
nocha machat´si de Sommlung am End go nu bezoit.
Seite 44
