Page 42 - Rabl 1
P. 42
Gedichte Anni Rabl
S´Rumpikammal
Dean naxt´n Sperrmull wea i nutz´n,
und amoi s´Rumpikammal putz´n,
kot woaß i nu nit – wos i vaschmeiß´,
kob´t hot´s ja ois amoi sein Preis.
Dös Rumpikammal geht fast iwa,
über´s Glump fliag´n ma scho driwa,
geh ´gonz glei und wea ´s zomramma,
und vo vergong´ne Zeit´n tramma.
Hea geht zeascht a Hauf´n Kinderzoig,
zon weidaschmeiss´n hät´s mi kruit.
Oite Heftl vo de Schuija,
gonz unt in lieg´go a Luija.
S´Kache geht etz a nu hea,
dös mog sicher heit neamb mea.
Schachtei, g´füht mit lauta Kraffi,
Kistl, Säck´, a Plastikschaffi.
Gonz hint in, steht a oite Truch,
mit Fasching´szoig – und deans´n Kruch,
a Fareita und a kloana Korb,
a paar Dos´n mit an bissl Forb.
A des weascht nit zon koit´n sei,
Hafal, Schissl´n, a gruaßi Rei,
a oite Rodl, a paarl Schi,
und überoi is eppas hi.
Teppichzoig- nu hibsch a Knoin,
a paar nuine Dogglsoin,
S´Dogglzoig und a poor Loast´n,
Foto - unbekonnt de moast´n.
Seite 42
