Page 43 - Rabl 1
P. 43
Gedichte Anni Rabl
A Bögleis´n - mit Gluat zon fü´n,
a Struhahuat und a oite Brü´n,
a Hagglsteck´n und a kloas Hammal,
wos kot ois Plotz kob hot, a dean Kammal.
Blumengschirrl und Plastikros´n,
Weckglasl und bunte Dos´n,
a Barometer, de oit Kuchiuhr,
Elektroschoita und a drum Schnur.
A Christbamkreiz und s´Weihnachtskrippe,
Heilingfigurn – glei a gonz Trippe,
a Tawaggbeitl und a kloane Pfeif,
mei Buggl weascht von klaub´n scho steif.
Vo da Grosstant nu a poor Gwandl,
a Scheijä mit an goidan Randl,
dazwisch´n hukt a Teddybär,
bi go daschrock´n a sein Geblärr.
A Kindawagl uni Dachi,
a oite Kuhaglogg uni Klachi,
A poor Säck´ mit Schafiwoll´n,
Tapet´n, gonz a gruaßi Roll´n.
Des kloani Körbi vo de Katz´n,
und a poor Federkernmatratz´n.
Stiefi, Schlappa, oite Schuach,
a Büachi, wos i scho long suach.
Seite 43
