Page 48 - Rabl 2

Gedichte Anni Rabl

Weihnachtsputz

Stö des gonz Haus heit auf´n Kopf,

ram aus de Kastl jed´n Topf,

ram aus heit a an jed´n Kast´n,

ois weascht´s putzt, daleits koa rast´n.

Gwasch´n weand de Teppich und d´Stor,
des ganze Haus stinkt nach Danclor.

De Fenster södnd wieder blitz´n,

kim schea langsam go as schwitz´n.

Neamb derf mi bei da Arbeit stean,

i mecht beizeitn feschtig wea´n.

Um mi an Bog´n mocht heit a da Hund,

ea nimb reißaus, eam weascht des z´bunt.

I laf Stiag´n auf und a Stiang o,
und longsom weascht a d´Arbeit go,

auf´n Tisch hi kimb nu a Weihnachtsdeck,

und da letzte Schliff, a Weihnachtsgsteck.

Durch´s Haus ziacht etz a feiner Duft,

vo Bratäpfel und Weihrauchluft.

Und Weihnachtsmelodien erklingand,

dia mi zu der Erkenntnis bringand,
gschrub´ und gwasch´n und fü putzt,

hätt ois mitnonda nit fü g´nutzt,

wa ins des Beste nit beschieden,

bleibat aus - da Weihnachtsfried´n.

Seite 48