Page 43 - Rabl 2
P. 43
Gedichte Anni Rabl
Zwoa gfiarige Gsöll´n
A Kehrwandl und a Stiefiknecht,
dia send ins nu bekonnt,
wa fi jed´n a krecht´s G´schenk,
gibs in koan Lad´n und koan Versond.
Zon Kehrwandl kust krod zuichisteha,
brauchsti nimmer oichibuck´n,
kust´s ei kehrn mit´n Bes´n schea
und sWandl tuat´s ois schluck´n.
A da Stiefiknecht, dea is recht komott,
do kusti, wennst wüst,go nieda hok´n,
kimbst aus jed´n Stiefel flott,
wenn´s sei muaß zomb de Sock´n.
Seite 43
