Page 47 - Rabl 2
P. 47
Gedichte Anni Rabl
Da stade Advent
De Tag weand kürza, d Nocht länger,
da Kalender dinna und de Termine enger .
Und überoi z´gleich sei, dös tat a diam nuat,
so moncha dea frog´si,ob a´s scho ois datuat .
U geht´s glei mit de Weihnachtsbasar
danoch send de Beaschtlumzüg heitzutog rar,
um Nikolauszeit müassn´d d´Schi auspackt wean,
Schioppening is - kust scho überoi hean .
D´Wüdwoch´n send a nu nit gonz vorbei,
und zon kost´n wa etz scho guat da jung Wei .
S´Zötnwattn wa krecht nit vagess´n,
Törggelen geha und scho wieda ess´n .
D´Musik de hot des Johreskonzert,
amoi a´s Theater geha wa nit vakehrt,
ois Stimmungsmocha nu a Glühweinfest u steht,
und da Betrieb a Weihnachtsfeier u kricht hätt´.
Übrig bleib´n toant etz nu a poor Tog,
do losst si a nu wos find´n, dös is koa Frog .
Bei so an Programm, do megst scho boid moan,
do is ja gonz´n Advent nia eppa dahoam !
Seite 47
