Page 12 - Microsoft Word - Rossa 1
P. 12
Gedichte Joseph Rossa
Langs
Am Woldrand obn isch es grian
da erschte Kuckuck hot schun gschrian
im Apflbaam drin schwirrts und sumsts
ban Löbnzahn do fliagts und brummts
de Schwolbn segln aus und ein
de ganze Welt scheint munter z´sein
men konn des ieberoll iatz hörn:
A nuies Lebn isch am werdn.
Und olles gschafft gleim nebn´anand
bei ins, und gor an iadn Land.
Nua Menschen de gebn decht koa Ruah
de hetzn und de schlogn zua
wal de an Langs aa teifln miassn:
Lei schiassn...schiassn...schiassn
Seite 12
