Page 7 - Microsoft Word - Rossa 1
P. 7
Gedichte Joseph Rossa
Häd i…
De leschtn viazg Johr
hun i sporsam vabraucht
i hun gor nicht kieflt
und hun aa nit graucht
nua Kuahmüch getrunkn
und kuan Alkohol
hun olls untanomman
füas leibliche Wohl
am Radl abg´strapplt
im Wassa trainiert
und mi voa de Diandla
beim Turnan blamiert.
Und iatz kimmt de Rache:
Da Neinzga dea kimmt
dea wo aus meinm Dasein
de Lebnsluscht nimmt
de Boana sein müarb
und da Körpa zan schleppn
und derrisch und zahnlos
mocht mi olls zan Deppn
de Hoor sein dahi
und de Glenka vabraucht
des waar aa nit onders
häd i gsoffn und graucht…
Seite 7
