Page 9 - Microsoft Word - Rossa 1
P. 9
Gedichte Joseph Rossa
Auf insra Wiesn
Auf insrer Wiesn hintam Haus
bin i ols Bua gearn glegn
an Summa wenn dös Gros schun hoach
und wenn´s no noss vom Regn
De Bliamla sein so schian, so roat
I hun da Mam oa brocht
zan Muddatog und a aa so
oafach a Freud ihr gmocht
Und olle Bliamla hun i kennt
de süaß worn auf da Zung
hun zuzzlt an de Bliatnkelch
mit aa Begeischterung
Und wia i na so zwanzig wor
bi znachts i, aa ban Regn
oft in da Wiesn hinterm Haus
mit meina Bärbl glegn
Da Bliatnseim den i do gnascht
der wor so fein zan nippn
er wor von meinem Bärbele
von ihre süassn Lippn
Wenn i iatz so, ols olta Mann
mecht in da Wiesn nippn
hun i lei mehr den Samenflaum
vom Löbmzahn auf de Lippn
Seite 9
