Page 33 - Microsoft Word - Rossa 1
P. 33
Gedichte Joseph Rossa
Am Grab
Da olde Huabamuch is gschtorbm
mit seine siemadachzig Johr
de Hebamm hotn ned vadorbm
weil irgendwann is gor.
A poor habm greaht, an etle gratscht
de oltn Leit habm bet´t
de Musik is hintnoche ghatscht
da Michl hot trompet´t
De Kränz habms zählt, d´Leit kontrolliert
am Grob do spitzns d´Ohrn
und mitzählt habms wer wos schpendiert
---so is er eigrobn wordn---
Des olte Brauchtum insrer Gmoa
sell wor sei Anliegn sehr
wias gwesn isch wißt er alloa
---jetzt woaß des koana mehr.
Seite 33
