Page 29 - Microsoft Word - Rossa 1
P. 29
Gedichte Joseph Rossa
Alt werdn
Wenns Johr allmählich z´Ende geht
a Christbaam dann am Dorfplotz steht
de erschte vo vier Kerzn brennt
na woass men iatz isch da Advent.
Da Kinderschaar aa groasse Freud...
Na denkt men zruck an inser Zeit,
da wars no dunkl, und war staad
nicht hot se um an Umsatz draht
vielleicht ban Keksbachn a Gnäd
a bissl Sorg wias weidageht
sist wor nit gor a so a Eil,
do wor nicht cool und nicht wor geil
und koas is umananda grennt
es wor a Hoffnung im Advent.
Und wenn i iatz so ummenschau
de Hascht, a Stress und a Radau…
Do denk i monchesmol mia grod
dös Oldsein isch heunt schun a Gnod.
Wia wiag habm mia zan Frohsein braucht
a Stubn, a wenn der Ofen raucht
a Schnittn Zeltn und an Tee
an schmoln Weg im tiafn Schnee...
So kloan wor insa Paradies
und mia habm glernt wos sparsom is
nit hundert und nit tausend Leut
hots braucht in insrer Weihnachtszeit.
Fünf Leut de wo sich gern ghabt habn
a groasse Freud bei kloane Gabn
a warme Stubn, a Kerznliacht
und Augn wo men a Ruah drin siacht
und mia habn insa Zuig dahebt
und habn mit Freud des Lebn glebt.
Seite 29
