Page 31 - Microsoft Word - Rossa 1
P. 31
Gedichte Joseph Rossa
Berufe
Da Lehrer hat de Kinder gfrogt
wos wellts denn amol werdn?
drauf wor dann gonz Gewöhnliches
und aa vü Bsunders z´hörn
Da Carsten werd a Diplomat
da Joe mecht gor nicht tian
de Claudia möcht Leut frisiern
des, sogt sie, waar so schian
Da Daniel Politiker
do kriagsch a Haufn Geld
da Hannes werd a Truckchauffeur
und donnert durch de Welt
Christine mecht zwar Muatta werdn
doch nua mit einem Kind
da Franzl will an Bauernhof
zamt Hennen, Säu und Rind
Der Stefan will zur Polizei
wal do derf men schnell fahrn
de Susi gang gern in a Bank
sie tuat scho fleißig sparn
De Hanni will nua Muadda wern
sechs Kinda hots im Sinn
und wenn ihr gor koa Busn wachst
na werd sie Lehrerin
Und de Nicole de Obergscheid
de sogt schnell „i lern nix
i heirat einen reichen Mann
dann hab i alles fix“
Da Seppal der ned bsonders gscheid
der lost an olln zua
und auf de Frog wos wersch na du?
„I? A ganz normaler Bua.”
Seite 31
